Je t'aime, Paris
May 2018
今次來Paris，跟一位最近因為工作而響呢度生活左幾個月既朋友體驗一下佢響巴黎既生活模式（飲飲食食係佢強項）
話說來之前佢明明話日日都成三十度熱到嘔，點知我去到果幾日一跌跌到十幾度... 日頭都好鬼凍，攪到有啲衫都著唔倒><
SHAKESPEARE AND COMPANY (BOOKSTORE)
已有百年歷史的莎士比亞書店，已經由一間書店變成了一個旅遊景點，門口有時侯還要排隊進內呢！
書店像一個故事，入內彷佛回到過去
要注意，不要吵醒貓咪！^^
聖母院 Cathedrale De Notre-Dame
今次終於上倒聖母院個頂喇～預先響APPS訂好時間，到差不多時間去到就可以唔使再跿時間等～因為眼見好多人去到拎既時間都唔係即時既TIME SLOT來
塔樓有人流管制，輪到你既TIME SLOT就可以排隊上一樓賣紀念品既地方買票，要注意呢層賣紀念品既位只會經過一次，望倒喜歡既紀念品要決定嚕
經過三百幾級樓梯上到塔樓上面，塔頂上風非常大！吹到頭又癲鼻水又係咁流
就是風景真係好靚，可以俯瞰巴黎城市既全景，巴黎鐵塔遠睇和近睇是兩種不同的感覺。近睇好優雅，遠睇反而感覺有點淒美唏噓...
塔樓上有很多怪獸們守護著聖母院
聖母院外面沿路行就是塞納河，在巴黎，任何一張椅子，一個河邊地下，看看鴨子曬曬太陽都可以渡過一個下午，真想把時間都虛渡在這裡
正當我地研究緊呢隻鴨點樣走左上呢度，佢突然間飛走左！！！原來呢隻野識飛架！！！！
上次試左Top 10 Most Expensive Michelin-Starred Restaurant 既Le Meurice Paris**，食一餐飯既價錢可以買一張來回歐洲機票。環境服務都是5星級，但食物味道還是不算有驚喜。
今次試左另外兩間Michelin Starred餐廳，兩間在食物方面都非常非常印象深刻！可以說兩位天才Chef真的好了不起！
SEPTIME
SEPTIME，The World'S Best 50 Restaurant 中排35, 米芝連1星，出名非常難Book。
Online Booking，每次Click入去都係Full！
另外比較實際既就係打電話去Book，兩個方法對於遊客來講其實都唔方便！
好幸運今次可以食倒，皆因有個以食為樂既朋友, 真好
SEPTIME以一間Michelin Starred 餐廳來講其實非常抵食！42歐一個4 COURSE LUNCH，佢係一間比較Bistro形式既餐廳，裝修服務都平傭。但食物絕對令你有驚喜！好少餐廳令你食完都仲記得陣味，除非係一樣熟悉同經常食既食物。
但SEPTIME竟然可以一次就令人印象深刻！我依家望返兩張相，啲Green Pea、Scallop魚湯係咩味咩質地，我仲記得！好不可思議！！！
L'arpege
12 個Course 全部都係Vegetables, 得一個Course係魚，蔬菜處理得比LE MEURICE好
Patisserie Cedric Grolet Le Meurice
之前睇朋友個ig，見倒佢食呢件藝術品，除左靚、誇張之外就係一個字：貴！
今次來估唔到我一試試左3件！
Cedric Grolet真不愧是一位非常出色的Pastry Chef，他所做的甜品全部都好精緻，生果形狀的全部像真度都超高！真是巧奪天工！有興趣可以ig看看他的作品，簡直是一位天才！
越南越美 PHO TAI
唔知點解去到外地，會突然間想食越南野，響香港反而一年都食唔倒一次既
我應該冇記錯個中文名，呢間位於唐人街既越南餐廳，細細間，坐得好迫夾，枱同枱之間可以講係冇空位，出出入入都驚SO LUM隔離枱啲野食
上次來其實食過一次，可能魂遊緊唔知自己食左啲咩。
今次再叫呢碗沙茶湯河，真係十級好食！！！十級十級好食！！！好食到我連續兩晚都來食晚餐！！！依家望返都想食！
最後又放一下我最鐘意果條橋喇～ 靚到暈
去左遊船河，又幾開心喎～
