4 OCT 2016 MARRAKECH
Hotel: Riad Eden
來摩洛哥建議大家住RIAD，即摩洛哥傳統的屋子
 |
| 成橦屋子中間有一個庭園，有點像中國古時四合院的感覺，坐響度慢慢飲杯咖啡都開心 （如果你有多餘時間，好可惜我冇） 
晚上21：30才到達酒店， 房間整潔沒味道，唯一缺點是冷氣不夠涼，唔CUM咁多被就是了
我們第一時間上房放好行李再趕出去吃點東西，太晚也有點怕，始終第一日到埗還未熟悉。經過大部份人也會和你打招呼，KONICHIWA，CHINESE？JAPANESE？之後也習慣了，摩洛哥人是非常非常多口的！真係非一般既多口！但好彩也謹此而已
順帶一提，某啲落車位，有人見你拎住行李會推架手推垃圾車（其實是行李車）過黎幫你手，唔好理就是了
行出Jamma El Fna( Marrakesh個主要廣場），夜晚還是非常非常熱鬧！第一時間試個傳聞中好好飲既橙汁先！4Dh杯，呢檔個人會主動叫你上去同佢影相架～其實又冇話咩特別既，橙汁可以好飲得去邊，係平既，呢度摩洛哥麻。不過真係試橙汁好喇，其他汁唔好飲
行行下見倒一班人圍住響度玩呢個釣汽水遊戲，10Dh一次，原來係好難好難的！一路玩有個人一路響我隔離教我要點點點，你都望倒支杆係幾咁長，又大風！個圈圈一掂倒隻樽又吹走！我隻CON又乾到爆喎！但後尾比我掌握倒個HIU門！真係比我釣倒呀！！超級開心呀！！！！！！！！！拎左支可樂走～其實最簡單既遊戲係最開心的
而食我就揀左一間坐滿LOCAL既路邊店，見人食乜就叫乜，摩洛哥每餐飯都會有TAGINE BREAD，第一餐飯，叫了SAUSAGE同TAGINE，個SAUSAGE OK，TAGINE好難食。。
介紹一下摩洛哥既早餐（SORRY懶得反相），每一餐好豐富呢！！平時響香港食一個包都飽啦，呢度係3456個包！再有時有EGG，YOGURT，OR CEREAL！
DAY 1 行程第一項就係去YSL個別墅，Majorelle Garden，原來條街係佢個名架！！型到爆呀！！！
 
這個花園由法國人JACQUES MAJORELLE 設計，主要用COBALT BLUE為主色。1980年開始由YSL接手，而這個裴聲國際的設計師死後的骨灰也散落在這裏。
呢隻藍色襯黃色真係好靚！藍色屋下面個係影相位，如果早少少去可能會冇咁多人。入面唔大，如果你對影相唔厭尖，半個鐘都行完。
行完下一站是Medersa Ben Youssef 神學院，出YSL冇人會搭佢的士站啲TAXI架，貴到離譜！開價100Dh！冇價講TIM。。
而TAXI係直接去唔倒神學院的，落車要行一段路，有GOOGLE MAP基本上都好易
   
沿途每一條小街，每一條小巷，每一個陰影，都好靚。一個景，下一秒又係另一個感覺。買左4對呢啲拖鞋返去當睡拖著，返到黎發覺啲皮好臭。。。呢度買野一定一定一定要講價！！！（我地好渣，建議你地嘗試殺佢起碼50﹪）同埋唔係好鐘意既就睇多幾檔先買啦，或者可以留返到CHEFCHAOUEN先買，平啲！
SHARE一個有少少BAD FEELING既經驗，就係響MARRAKECH買拖鞋既時候，明明講好左140Dh兩對，到比左錢佢，佢拎住對鞋話比多少少佢喎佢LM！點可能DEAL完先再加價架！
   
其實黎之前我對呢啲清真建築冇乜興趣的，但去到比睇相靚好多！感覺亦都好清優，好舒服。圖中係響入面擺檔寫阿拉伯文字既男仔，我覺得阿拉伯文好特別，係特別難！寫左一幅比自己，一幅比朋友做手信~
之後就去BAHIA PALACE，搵左陣路去到得半個鐘行，爭取時間影相
 
再趕去睇我今次旅行其中一個重點﹣ SUNSET IN Jamma El Fna
 
廣場周圍都有餐廳可以睇倒日落，唔使講當然係揀有天台果啲啦！買支野飲就可以坐住欣賞呢個咁靚既景喇，坐響上面望落去，加埋啲人聲吹笛聲，個感覺好似睇緊有配樂既紀錄片咁。一邊有人響度玩蛇，一邊有人響度玩馬騮，一邊有人響度湊樂，拎住個相機ZOOM埋去望，好有SNIPPER既感覺
睇左兩個鐘日落，拿拿林仆去報埋聽日個沙漠團先，睇左兩間都差唔多價錢，報左一間叫BEST SAHARA TOUR，其實間間都差唔多，都係拼埋一團既，3D2N比我地講到700Dh pp，算係咁喇。買埋去FES既BUS TICKET，加多180Dh
MARRAKESH 唯一一餐正式晚餐，想坐得好少少。響返酒店條路揀左一間看似幾華麗既RIAD入面度食，叫Dar ESSALAM, 入面係好靚，又有表演睇，但呢餐飯結果係呢次旅行最難食最難食的！！！好少一餐飯真係每樣DISH都食唔落。。臨走仲比人捉左出去玩，嚇LA死我呀。。。
期待明天SAHARA之旅。。。
|
沒有留言:
張貼留言