上一站租用了司機Benia 包車遊覽Yazd 周邊古城，他當然打蛇隨棍上問我地下一站去邊啦，於是繼續請佢車埋我地去ISFAHAN。
其實要應付他是蠻累的，他只懂幾句英語，所以果幾日佢不斷重複講住都係果幾句說話，係不斷！！佢成日問我地'' BENIA GOOD？'' 然後迫我地答 "VERY VERY GOOD！''.........................
好多奇怪野，例如有時有喲咩唔如意既野佢喲態度又轉變得好快，塊面黑黑地好得人驚，有時又響度自HIGH, 成日自己讚自己迫人地認同佢 ... 飄忽得好緊要
到去緊ISFAHAN 既途中，佢比佢電話一段片我地睇，見到有幾個著背心既伊朗女人唔知響度傾計定咩，眼尾 SAU倒下一段片好似喲人冇著衫，拿拿林比返個電話佢。
冇幾耐聽倒喲奇怪聲音，條友好似播緊果段咸片！！！ 即刻將頂帽有咁低拉咁低遮住自己個樣扮訓教，點知扮扮下訓左成兩粒鐘，可憐我朋友要對住佢坐，佢話個司機直頭特登將個MON角度向住佢... 不斷REPEAT 又REPEAT 睇左個幾鐘呀變態
到佢無啦啦響半路荒山野嶺停車，響車尾箱拎個茶壺出黎沖茶，我地真係完全感受唔倒人地喲BLOG所講既咩又好客又盛，心入面諗緊飲定唔飲，會唔會喲茶有野，唔係小人之心，係防人之心不可無
再放低我地響喲石堆度食西瓜，雖然踎響路邊刨西瓜呢個體驗真係幾難得，但我要分心留意住佢把刀！
正當我拉低頂帽踎響度刨緊西瓜之際，可能我個樣太惹笑連佢都覺得奇怪，佢突然間拉起我頂帽笑我話見唔倒我...
幾個鐘車終於到達ISFAHAN, 我地間酒店 - BEKHRADI'S HISTORICAL HOUSE，建於17世紀，已有400年歷史，現翻新改建為酒店，可體驗一下伊朗式大宅建築的特色。
我們房間總共有4張床，還有一個露台對著下面的中庭，好不休閒呢！
晚上來到Malek Soltan Jarchi Bashi 晚餐，由一間有500年歷史的伊朗舊BATHHOUSE改建而成的餐廳，裝修非常華麗呢！來吃飯的伊朗人都特地打扮一番的呢！
Naqsh-e Jahan Square 伊瑪目廣場
總覺得每個國家的廣場都是心曠神怡，令人心情開朗愉快的～
一早搭的士來到伊斯法罕的伊瑪目廣場，司機叔叔停車後跟我們一起下車，超大陣將的鎖好他的錢，熄車鎖車，原來是好心帶我們行多幾步再指引我們方向！
朝早陽光普照，廣場中央是一個大型噴水池，小朋友都脫掉鞋在玩水，天空萬里無雲，水池啲水卻是冰涼的呢！浸浸腳好舒服！
伊朗的爸爸們好像都對仔女好好，出街都是由爸爸來抱的
晚上來廣場你會發現好多驚喜，到處都是野餐的人們，而且愈夜愈熱鬧
他們的設備好完善呢！有的連小型煮食爐都帶來了呢！他們面上都掛著開心的笑容，熱情友善，而且好多都好主動和你傾計和合照，又會給你吃他們的～建議你們也帶些東西來野餐呢！～
Shah Mosque 沙阿清真寺
位於伊瑪目廣場的沙阿清真寺，亦稱為國王清真寺，連同伊瑪目廣場一同被列入聯合國世界遺產。這座以藍黃色馬賽克磁磚為主的清真寺被稱為''伊斯蘭建築的傑作''，在伊朗20000 紙幣上你會看到它的蹤影呢。
正殿下對著拱頂的迴音石拍手據說能聽到7次迴音
The Bazaar Of Isfahan
位於廣場周邊的Bazaar，是中東地區其中一個最大最古老的Bazaar。所賣的物品和伊朗其他Bazaar一樣都是些工藝品和本地香料等等。
Jame Mosque 星期五清真寺
其中一個伊朗最古舊的清真寺，有千多年歷史，於1980年伊拉克戰爭中被嚴重破壞。
參觀那時有好多信徒前往祈禱，她們都好興奮要和我們合照呢
參觀MOSQUE，記得避免中午時份到來，因為好多清真寺中午時分都會關閉休息的，最好查清楚開放時間才前往，在這麼熱的天氣白走一趟實在辛苦呀！
出清真寺是Bazaar 的延伸，有好多賣CHDOR的店鋪，晚上來應該會被嚇破膽...
Chehel Sotoun 四十柱宮
四十柱宮建於1647年，曾是國王消遣和接待外國使節的地方。這名字的由來源於門口那二十條支撐入口亭的柱子，在宮殿前面的水池反映下就是四十條了。裡頭都是漂亮的壁畫，訴說了波斯時期的一些歷史。
四十柱宮在伊瑪目廣場附近，可安排一起遊覽。
像魚鱗一樣閃閃發光的頂
Siosepol Bridge 三十三孔橋
顧名思義就是有33個拱門的橋，來之前看相片都是有美麗的倒影的，但去時已乾旱多月，只剩下乾涸的泥地。
個人覺得來這橋晚上比白天適合多了，好多伊朗情侶夫婦朋友都會在晚上來這條有''伊朗查理大橋''之稱的三十三孔橋飲茶聊天和漫步呢！
沒有留言:
張貼留言