法國France 最美麗小鎮 - ANNECY

法國France 最美麗小鎮 - ANNECY 

九月份的一個星期假期又可以去旅行，突然覺得好累，好想到一些小鎮去虛渡一下光陰。想像一下可以每天坐在咖啡店發呆，是多麼幸福呢！

很多地方都想去，意大利或是法國南部好多小鎮，最後選擇了這個有法國小威尼斯之稱的ANNECY。法國南部好多小鎮其實留一日都夠，一個星期其實可以去多幾個小鎮，但我們又好想有幾天時間再去一去巴黎，其他小鎮就留待下次吧～

這天朝早7點到達巴黎戴高樂機場，GOOD MORNING PARIS～

到Gare De Lyon 轉TRAIN，買了劃位的FIRST CLASS，搵極都搵唔倒自己個位，原來啲牌假既頂！

望住窗口外一片綠油油的草地，粉藍色既天空，心情好好！
成日坐火車見倒某啲景都會好想中途落車行下坐下

ANNECY 酒店揀左好耐呢！因為原先係想揀一間出面有個草地有張長桌子可以野餐的，但原來果啲都要響山上面，一定要揸車，我唔想揸車。

所以揀左又近火車站又有個小花園的Hotel Les Terrasses，可惜最後我地都係冇時間響個花園度坐下，因為唔知咩事今次JET LAG超勁，響酒店訓左大半日... 

呢度就係法國最美既小鎮ANNECY喇～是真的好美呢～

但我覺得和威尼斯感覺完全不一樣呢！這裡感覺開心開朗多了！可能因為天氣好吧

   

ANNECY 位於阿爾卑斯山下，鄰近瑞士，所以好多餐廳都有FONDUE 吃呢！真是超好吃！點HAM係十級好食！！！如果可以唔使控制咁食野，我可以餐餐都吃這個！朋友說這裡的FONDUE比起瑞士平得多了！

周圍都係遊客，熱鬧到不得了

Church Of St Francis

周圍行之際見倒山上面有座教堂，就行上去望下坐左陣，呢度應該係全個鎮比較少人同靜既一個地方

                              

Lac d'Annecy 

位於阿爾卑斯山腳下的就是這湖水清澈得見底的Lake Annecy，遊這個湖有好多種方式，你可以選擇坐船，騎單車，小火車，什至可以自己划船或駕船！
   

我們租了一架小船自己揸，第一次揸船～好好玩呀～～但原來有浪時都會有啲驚架

下次再來的話，我要買啲野上船，然後開去湖中心食～

法國的車站很多都放著一部鋼琴，看過不少Improvisation 既clips，好多好有Talent既Piano Players，音樂將唔同國藉，唔識既人拉埋一齊，多好。

出發去暫時最喜歡的地方- 巴黎！