世界上有很多地方都在模仿聖托里尼的美，如韓國的聖托里尼，中國的聖托里尼，巴厘華欣小聖托里尼...............
世界各地的人都選擇在這裡影婚紗照，渡蜜月，渡假旅遊。因為單單是「愛琴海」這名字就充滿了浪漫氣息！如果說摩洛哥的藍色小鎮Chefchaouen是一個童話世界，這裡的藍和白是高貴浪漫的小島。
每年的五月至九月是Santorini的旅遊旺季，代表天氣好，而且酒店價格高！而Santorini的酒店往往房間不多，如果要理想的Room Type就更加難Book了。幸好今次經過我們臨急臨忙既精挑細選，每間酒店都非常非常滿意！
搵酒店首先要了解一下聖托島各小鎮的地理位置，主要分Fira，Imerovigli，和Oia 三個小鎮。而酒店景觀最好的就是位於懸崖的酒店，而附帶私家浴池的更是拍好照不能錯過的！
到雅典有兩個途徑到Santorini，船／飛機。船要6-7小時，可以欣賞愛琴海的景色，而飛機只需1-2小時就到了。要注意的是船的誤點率非常高！可以Delay 一個小時也是閒事
我們晚機到Athens，原先計劃是在Athens住一晚，然後第二天一早坐7點船到聖島的，還特意Book了一間VIP卧室，體驗一下坐船，舒舒服服得閒訓下，得閒起身望下海的！
但不幸中之不幸，行李Delay 要第二天中午才到！！！結果迫於無奈放棄船飛，中午到機場等返個行李然後再坐飛機去聖島，奔波了一個中午，好彩行李如期送到機場咋
一抵達聖島，就去搵租車，實在冇印象點解之前一路冇搵租車資料，結果租架SMART都貴人成倍，嗚，好明顯佢地獅子開大口囉！！好彩連國際駕照都冇都可以租啫～係保險貴少少
不過值得一提是，遊聖島真是最好租車喇，方便好多好多，又可以隨時停車。
而且SMART呢啲SIZE雖然醜啲，但聖島啲路真係唔係一般窄，好多路遇著大車經過都要好小心行，所以細車係最岩，最適合閃埋一邊的
租車拿車時，會同職員一齊CHECK車，記得記得要用自己電話影低所有細節！佢地會一邊一齊CHECK花痕，一邊做紀錄，但要小心佢地有時會講，但原來狡滑地冇MARK落張紙度，幸好之前有朋友提醒，我地一邊CHECK一邊有影相，還車時有一度花痕他們根本沒有記低！比相佢睇先冇事！
幾經波折，響我飛車帶領下，趕在日落前抵達我們第一間酒店！
位於FIRA市中心的CHIC HOTEL是性價比較高的酒店，而FIRA的酒店一般都比OIA便宜，九月份一晚四千左右就有私人浴池的極佳景觀。
話說我們原本BOOK了一間有私人戶外池的，CHECK IN後才發現唔對路，原來UPGRADE了我們去另一間房，各有各靚啦，呢間私隱度高啲，我地BOOK果間個泳池位先最切合CHIC呢個形容詞的，可惜佢話係最後一間房。有時覺得酒店一句UPGRADE好像就無視了客人的選擇，暗瓦底想UPGRADE既時候又偏偏冇架喎
酒店的洞穴泳池
房間對著整個海琴海，好寧靜
FIRA的小屋一片白色，感覺潔淨高貴
聖島的酒店位於懸崖上，因此酒店房都像個洞穴一樣
Fira 的主要街道
ART MAISONS ASPAKI EXCLUSIVE SUITES
第二天在酒店房吃過早餐，就駕車到OIA，車程大約半小時左右，聖島的路又窄又斜又彎，真是好剌激！！朋友經常叫我唔好講野，睇路！
Book 這間酒店房是沖著上面這個影相位而來的，而且房間露台對正OIA最著名的藍教堂，可以足不出戶就可以欣賞到聖島最美麗的日落景色！
OIA旅客明顯比FIRA多好多，熱鬧好多，酒店門口對外往往遊客不絕，要經過也困難，OIA有幾個影相位是全天候都有遊客的！！！好多人都說OIA太多人比較喜歡FIRA，但要是再去的也會選OIA，景點實在太美喇！
ig 打卡照位
另一個最最最靚的影相位
個個角度都好靚呀
這天特地駕車到Imerovigli區找這藍教堂，沿途曬到變燒豬
ONAR HOTEL
位於OIA，向FIRA方向車程走五分鐘的ONAR酒店，是另一個又想住OIA，又比較寧靜的一個區，房間自帶的小露台是吃早餐的好地方～
CANVAS SUITES
這間房叫Aphrodite，主要是為左這個私人洞穴池BOOK的，個人去到覺得唔太值這個價錢
反而出面啲小路影下相都幾靚～
下面是我們住的CANVAS另一種房間，最BASIC的SUITES，出面的小休位置非常舒服！是我們最喜歡的一間房！
SANTORINI是其中一個最受歡迎的島，如果有多時間，周邊還有很多小島可以去的，6日5夜我地其中一日去左MYKONOS，但就選擇了即日來回，因為看過MYKONOS啲酒店麻麻地。
你地如果去MYKONOS最好是安排在行程最早或最尾的日子，而且最好住一晚，因為SANTORINI單程去MYKONOS就要四小時，還要加上航班誤點情況，在島上時間不多，雖然冇咩做。而且MYKONOS近ATHENS，不用行寃枉路
船有分人＋車和淨戴人的，所以好大架
MYKONOS最有名的風車位，吹到癲
有小威尼斯之稱的海邊小屋
最尾當然要分享一下SANTORINI的日落啦，跟著地圖行到最北面這座小山，就是每人日落時份堆滿遊客的地方。
又一個日落
沒有留言:
張貼留言